نيب / آنلاين نيب

 

منیب الرحمن نہِ ناوہ

یہ نیب چون مُہاں سۅکھ، وچھاں اسَکھ تہ اسَکھ
بنکھ تماشہ ژہ پانَے ، لُکن کھرکھ تہ کھرکھ

وُدٮن نٮسر، نٮسٕرۍ لد چھِ وۅلسنس آمتۍ
ژہ کیاہ کرکھ ، یہ نَے اند کُنَتھ ژسکھ تہ ژسکھ

زُوُن: نِندرِ ٹُجن میٹھٕہ وُن یژھُن کانچھن
عقیدہ: دب ژٮہ لگی تتھۍ پزر ونکھ تہ ونکھ

رٕڈیوٚو رٕژر، کرژر خوفہ درایہِ نیک جنگس
ژہ رُت نہ کرُت، تہ ژلکھ کوٚت ، لسَکھ تہ بسکھ

دوکان پرانۍ، تِمَے پُرزٕ یِم اکار بکار
نویک فریب تھوِتھ ، کینہہ تُلکھ دسکھ تہ دسَکھ

ژِہِس دِ ژٕہنہٕ پنٕنۍ ژیتھ ژہ یورہ بس ژرژُ
یہِ گوٚو تہِ گوٚو، نواں نوٚو، ہیچھکھ، نوَکھ تہ نوَکھ

اندر نہ کینہہ تہِ، فقط نیبرِمٕے یہ دٕہ کرارُن
درون بینہٕ ، لبکھ کیاہ جکھکھ ، کھٹَکھ تہ کھٹَکھ

فتور خانہ کٔڈٕتھ زیٖٹھ راتھ بریڈٮن منز
جہاتہ زان کراں راو، تہ لبَکھ تہ لبَکھ

قریب اوس نہ کانہہ ، ژیۍ کُنیر کھران اوسُے
گِندُس وۅں ہکچہِ ، گِندی اورہ، بس گِندَکھ تہ گِندَکھ

یتھ تحریرس متعلق کیا چھیہ تہنز راے؟ پننۍ تاثرات کٔرو ای میل۔