نيب / آنلاين نيب

 

خوابن لفظن نغمن ہندۍ امبار کٔرم
شینہ پھلے ہش بٲتن نوۍ انہار جٔرم
چانہ وجورکۍ تہہ چھم لفظن رنزناوان
مشکہ سرابا ژھاین ہندۍ گفتار پٔرم
چانی ستھ چھم ناوس چٲنس کرون وندے
خویس چٲنس عرشہ تھزر شہجار سٔرم
جانس زو چھم چانٮن قدمن ہند تلہ تراو
صحراوس سبزار گناں گلنار ۂرم
ٲنس چھپھ چھم چٲنی زمۍ زمۍ قوس قزح
سازس ریہہ چھم تابانی تفسیر کٔرم
ہردہ ہواون کیا کیا کوٚر پوٚز چٲنی درے
سونتہ سحر یی خوابن ہندۍ شہجار پھِرم


یتھ تحریرس متعلق کیا چھیہ تہنز راے؟ پننۍ تاثرات کٔرو ای میل۔