March 2012| مارچ 2012
 

 

غزل

شہناز رشید

سبز زمین لٔبتھ نیول آسمان لٔبتھ
مۅژیوس تاپہ ٹیکس سمب یہ کل جہان لٔبتھ

اندرۍ تہ قید سیہ ہیو، نیبرۍ تہ بارجہِ کنڈۍ
کہنی لوٚبتھ نہ ہیا جانہ میون پان لٔبتھ

گژھان متھ چھہ میہ بعضے زِ مونۍ کرس انبود
بہ تارکن تہِ کراں کۅم یہ پایدان لٔبتھ

ژھۅکیوو میون یہ روتل سیہ غلافن من
میہ راوۍ زون تہ تارکھ یہ سایبان لٔبتھ

کُنٮر رکاب تہ لاکم سفر تہ تٮمبرِ پڈر
ڈلاں چھیہ وتھ تہ ژھۅکاں شوق کاروان لٔبتھ

سہ اوس صاف یواں نظ رِ کھاندرن اندر
بہ کٔنۍ بنیوس قلعس منز سہ خاندان لٔبتھ