March 2012| مارچ 2012
 

 

غزل

علی شیدا

کیف وپھنوو آسمانس تام
وٲژ دبراے لامکانس تام


زون ٲسا میہ شاندہ کنۍ درامژ
خواب پھہلیہ تابدانس تام


مٲنزِ اوسا الاو میانی سیتۍ
نار ووتا تہِ شامیانس تام


تراوۍ ییتیا قدم سفر دوریوو
پٲوۍ کٲتیا چھہِ آستانس تام


سدرہ ژوٚک ہیتھ وپھیوو جاناوار
شنیہچہِ ونلہِ آشیانس تام


چانۍ گنگراے ہیتھ نژاں ریتہ کول
میانۍ آلو نہ واتۍ پانس تام


ونہِ مہ ساوکھ ژہ تاپہ ٹیکۍ شیدا
ونہِ چھہ وارا پکن نشانس تام