March 2012| مارچ 2012
 


 

 

کرب


الیاس آزاد

 

زون چھیہ از تہِ اوٚبرہ لنگیو تلۍ ژورِ ژلان

پھرٹہ ہژ، دم پھُٹ

راتک ہا ہا کار وچھتھ

زونہِ ڈبن منز

خوابن ہندۍ بازار گرم

واو چھہ ہکۍ نتہ بکۍ زن گومت

تہ اڈلیچ راتھ

سڑکن پیٹھ پھلہِ پھلہ چھکرنہ ہش آمژ

آدمۍ رختچ درینٹھاک وتہِ ، وتہِ برہ برہ

پھل ژندرا ہیو لخت جگر کس ماجہ نیووکھِ

کۅچھ مورن کمۍ للہِ کٔر

کمۍ نند ہ تھپہِ نیونس

اسمانس پیٹھ اوٚبرہ نبس لوٚگ نار ژۅپارۍ

نارے نار یہ شبنمۍ شراوُن

گل دیدِ سٲری آنگن ویران

دارِ پٹٮن پیٹھ خالی آمہ تاوکۍ داغ

شرز زاگان برونٹھے زونہِ وہرٲوتھ ٲس

تہ زون

زون چھیہ از تہِ اوٚبرہ لنگیو تلۍ ژورِ ژلان