January 2012| جنوری 2012
 

گلشن مجید نہِ نظمہ ہند تنقیدی جایزہ


ڈاکثر مشتاق احمد منتظر، مسلم یونیورسٹی، علی گڈھ

 

گلشن مجید صٲ بنہِ ’’ہوٚتمت ٹنگ دۅہ ‘‘ نظمہِ منز چھہ انسٲنی زندگی ہندٮن مختلف پہلون ہندِ با نجپنُک احساس وۅتلان۔ اتھ منز چھہ انسانہ سنزن خوٲہشن تہ کو تٲ ہین ہند تضاد ۔ نظمہِ ہندس کردارسیتۍ وا بستہ مختلف چیز چھہِ کردارکۍ خوٲہشات ، احساسات تہ ارمان برو نہہ کُن أنِتھ کلہم انسٲنی زندگی ہندِ ژھۅ ٹہ ڈیرکہ موجودہ نا لگہٲری یا بے معنویژ ہند اظہار ۔ اتھ منز چھہ presumed ا ندازِ بیان تہ خاص سونچہ وطیٖرہ برو نہہ کُن یوان۔

یہ کردار چھہ پننہِ اندۍ پکۍ کٮن حالاتن منز ہٮنہ آمت ۔ ا مس چھہ پنن اند رو ٚٹ کل کڑان مگر امس چھہ سیتی پننہِ کو تٲہی تہ کمزوری ہند احساس گژھان تہ یہ چھہ تتھ پٮٹھ قا بو پرا ونہ خٲ طرہ آما دہ نظرِ یوان ۔ امکۍ correlatives چھِہ تمہِ قسمکۍ ، یم مختلف الجہت معنی تھا وان چھہِ ۔ یمن چھہِ سطحی معنی ، سیدِِ سیوٚد معنی ، اصطلٲحی معنی تہ استعارٲتی معنی ۔

اتھ کردارس چھیہ اَڈ پٲکۍ تریلن ہنز بۅے یوان تہ اۅنگجہ ٹینڈٮن تمیک مانچھُر محسوس گژھان ۔ اَکہ طرفہ چھہِ اڈ پٲکۍ تریلہ تہ بیکہِ طرفہ پھپھسیمتۍ وانگن۔ اَکہ طرفہ چھیہ جِسمٲنی ضرورژ ، نفسیٲتی ضرورژن کل کڈان۔ معمولی بہا نہ چھہِ امس کل کڈان۔ دوٚیمہ طرفہ چھیہ امس کمزوری، سمٲجی کمزوری۔ یتھہ کنۍ چھہ ضرورژن تہ کمزوری ین درمیان میزان ڈلان ۔ اتھ چھہ نہ کانہہ ہِشَر روزان ۔ کل تہ کوشش یا Capacity چھہِ نہ پانہ وانۍ مطا بقت تھاوان۔ تریلن ہند مشک چھیہ کل تہ بہا نہ یا اَکھ ذہنی صورتحال ۔ پھپھسیمتۍ وانگن چھہِ اَکھ Physical predicament یا جسمٲنی کوتٲہی ۔ نہ چھہِ تم گراک تہ نہ تم بازر ۔ نہ رودۍ وۅں چیزن ہندۍ قدر شناس تہ نہ مۅللۍ چیزے ۔ کردار تہِ چھہ خریدار سند طلبگار ، مگر یہ رودنہ و‎ۅں خریدار پسند ۔ تم قدر تہ Values پُھٹۍ ، یمن منز یہ Adjust گژھہِ ہے ۔ وق چھہ یور آمت ۔ وۅں چھیہ نوِ منگہ تہ نٔو Supply تہ نَوِ Supply چھیہ نَوِ demands یا منگہ ۔ کردار چھہ اتھۍ صورتحا لس منز گرفتار ۔ یہ چھیہ اَکھ نٔو جمالیات ، اَکھ بدل سمٲجی صورتھ، اَکھ بدل اقتصٲدی نظام ، یُس نہ شمہ بژِھہِ ہنزن ضرورژن تٲبیٖن چھیہ ۔ شمہ بژِھہِ ہندۍ ارمان چھہِ انہرۍ، مگر امۍ سند جمال چھہ مدہ ووٚتھمت ۔ امۍ سندِس آسنَس تہ زمانس درمیان چھہ نہ کانہہ ہِشَر۔

کردار س چھہ پننہِ صورت حالُک احساس گژھان تہ سۅ چھیہ پانس زما نہ کٮن ضرورژن مطٲبق سجا ونۍ ، شیرنۍ تہ پٲرنۍ تہ شوبہ ناونۍ یژھان۔ اتھ سیتۍ چھیہ سۅ تیزی سان بدلونٮن قدرن پیٹھ تہِ قا بو پرا و نچ خوٲہش مند ۔ پننہِ ذٲتی کمی تہ سمٲجی ضرورژ درمیان ہِشَر نہ آسنہ کِنۍ چھہ امس احساس گژھان تہ یہ چھیہ اتھۍ دۅلابس منز ہٮنہ آمژ۔یوٚہے احساس چھہ امس گنان تہ یہ چھیہ سمجھوتہ یا compromise کرنس پیٹھ آما دہ نظرِ یوان ۔

بٮڈ رومچ ا ڈ ؤژھ دٲر چھیہ امۍ سند وۅندہ تہ اندرہ مٮن جذباتن ہنز علامتھ تہ پچہِ برنہِ اندرۍ پیاول ہونۍ چھیہ یہ ہا وان زِ امۍ سندۍ ہاوس چھہ ِنہ ژھایہ روزِتھ ہٮکان، بلکہ چھِہ یم پچہ برنہِ ہنزو لِٔیو تہ تریو کِنۍ ژَرژنہ یان۔ انسان چھہ پننہِ بجرک تہ عظمتُک برم تھاونہ خٲطر رنگہ رنگہ ژھل کٔرتھ پننۍ امیج قٲیم کران ۔ مگر ٲخر چھہ امس پریتھ چیزک تسلا گژھتھ پانسے نش نجاتھ باسان۔ انسانہ سندِ وۅندکۍ ہاوس چھہِ Half Open ۔

یمہ نظمہِ ہند کردار چھہ بے بس۔ اسمان چھس نہ پلان نرِ تہ زمین چھس نہ پلان زنگہ۔ او ہ کِنۍ چھہ کردار پننٮن خوٲہشاتن ہند دامن وٹان تہ نرِ زنگہ ؤٹِتھ پانسے منز شرپان۔