January 2012| جنوری 2012
 

نیہہ دو


اداریہ

 

بہ اوسس کرہ پیٹھہ نیب آنلاین پیش کرُن یژھان۔ یہ بنوو ممکن مظفر عازم صابن۔ یمو کٔژن ؤرین ہنزِ محنژ سیتۍ کٲشرِ کہ خاطرہ اکھ یونیکوڈ نستعلیق فانٹ بنوو تہ عام ورتاوہ خاطرہ تھووکھ پننہِ ویب سایٹہ پیٹھ دستیاب۔ اتھ فانٹس چھہ یمو گلمرگ نستعلیق ناو تھوومت۔ کٲشرِ زبانۍ تہ ادبہ خاطرہ چھہ یہ بوٚڈ کارنامہ۔ امہ خاطرہ چھہ یہند شکریہ ادا کرُن ضروری۔ وۅمید چھیہ کشیرِ اندر ییہ اتھ فانٹس تہ اتھ فانٹس سیتۍ وابستہ یہندس بنٲوۍمتس کیبورڈس فایدہ تلنہ۔

سنہ 2012 پیٹھہ یِن نیب رسالس زہ ایڈیشن کڈنہ۔ یم دۅشوے ایڈیشن ین دۅیہ دۅیہ ریتۍ کڈنہ۔ پرنٹ ایڈیشن تہ آنلاین ایڈیشن۔ دۅشونی ایڈیشنن منز پیش سپدن وول مواد آسہِ بیوٚن۔ پننۍ تخلیقات ہیکن ادیب ای میل کہ ذریعہ سکین کٔرتھ، ان پیجسس منز ٹایپ کٔرتھ یا انگریزۍ اکھشرن منز ٹایپ کٔرتھ سوزتھ۔

یمن دۅشونی ایڈیشنن منز پیش کرنہ ینہ وٲلس موادس متعلق پرن والٮن ہنز راے چھیہ سانہ خاطرہ اہم۔

سنہ 2012 ؤری ٲسِن تۅہہ سارنی ہندِ خاطرہ نیک۔

خلوصہ سان۔ منیب الرحمن